aus dem Album Himmelwärts

Daham is daham

Wollt immer weg von daham,

solang i denken kann,

do wor a Sehnsucht in mir,

de hot mi wegzogn von dir,

I wor nie z´frieden,

hob immer gedocht dos mir wos fehlt.

dos onders wo schöner is,

dos i mei Leben dort mehr genieß,

bis i g`merkt hob wos eigentlich zählt.

 

Ref: Daham is daham, do will i bleib`n,

des große Glück find i nit in der Weit`n

Daham is daham, do kehr i hin,

wo meine Wurzeln sind.

Daham is daham, do will i leben,

umgeben von Bergen, Wiesen und Seen,

wohin i a schau a Stück Paradies,

des mei Heimat is.

 

Es gibt ka schöneres Lond wo leben wüll,

wo meine Leut um mi sind,

do gib’s noch Lebensgfühl.

A wenn bei uns die Uhren monchmol onders gehen,

na wir losn uns nit treiben,

jede Hektik vermeiden

und i leb anfoch mei Leben.

 

Ref: Daham is daham, do will i bleib`n,

 

Und jetzt steh i am Gipfel

und schau eine ins Lond,

und i frog mi warum ho i dei Schönheit

solang nit erkonnt.

 

Der Lügner

I schau di on und i was ganz genau,

wos du erzählst des is a rießen Show,

es is nit echt, es is nit wohr,

bitte moch di nit zum Norrn.

 

Warum is soviel wos du sogst erlogen?

warum konnst du nit anfoch de Wohrheit sogn?

warum mochst du mir immer etwos vor, bitte glaub mir jetzt is gnua.

 

Ref: I wüll di sehn so wie du wirklich bist,

und nit a Obziagbild von dir,

i mechat spürn was in dein Herzen is,

des hob i viel zu long vermißt.

 

Es is nit wohr, dos ma a Image braucht,

dos nur das Äußerliche zählt,

mir is egal wie guat du di verkaufst

und wieviel du host vom liabn Geld.

Ref: I wüll di sehn so wie du wirklich bist,….

 

Liag mi nit on, i konn des nit vertrogn,

bitte lern doch anfoch mir die Wohrheit zu sogn

Liag mi nit on, i konn des nimmer hearn

weil tiaf in dir drin is doch ana, den hob i gern.

 

Himmelwärts

Jetzt sitz i do und denk an di,

und wie so oft do frog i mi,

warum bist du schon gong.

Du wolltest noch so vieles tuan,

und dei Blick der wor noch vurn,

doch die Zeit wor vül zkurz.

 

Ref: Und immer wenn i an di denk,

sieg i dei Bild vor mir,

i was wir wern uns wieder sehn, do obn.

Und immer wenn i an di denk,

wird mir worm ums Herz,

und i heb die Augn auf,

und schau himmelwärts

 

I was dos es an Himmel gibt,

und dos dort die Liebe lebt,

und i was, jetzt geht`s dir guat.

Und olle Schmerzen san vorbei,

vor dir liegt die Ewigkeit,

und olles, woran du geglaubt host.

 

Ref: Und immer wenn i an di denk….

 

Jo, du host Spuren hinterlossen,

du host mei Leben berührt,

undi bin donkbor,

dos i di hob kennen dürfn,

und immer wenn i an die denk

schau i himmelwärts.

 

Steh auf

Du lebst dei Leben so wie die ondern wolln,

du host es glernt, du spüllst dei Rolln

doch tiaf in dir schreit irgendwos noch mehr.

Du host dir nie wos zugetraut,

und Niederlogn nur schwer verdaut

und olle hom dir gsogt wos nit geht.

Nimm dei Leben in die Hond, du host nur ans,

loss dei Ongst hinter dir, i was dos du des konnst.

 

Ref: Steh, auf schwimm gegen den Strom

Heut bist vielleicht unten ober morgen schon obn

Steh auf und geh unbeirrt deinen Weg,

erst wer lernt zu verlieren is bereit für den Sieg

 

Du siehst auf amol Möglichkeiten,

neue Wege zu beschreiten,

vor dir liegt a gonz a neue Welt.

Du konnst di endlich wieder gspürn,

du host ka Zeit mehr zu verliern.

Jeder Augenblick is kostbor für di.

Nimm dei Leben in die Hond, du host nur ans,

loss dei Ongst hinter dir, i was dos du des konnst.

 

Ref: Steh auf, schwimm gegen den Strom…

 

Irgendwie wird’s schon werd`n

Es is schon spät, I was i sollt aufstehn,

doch irgendwie is so schön im Bett

I denk ma na, heit wüll i net rausgehn,

schnell den Polster übern Kopf,

des is amol recht nett

donn her i a Stimm de sogt mir,

wo is den dein Pflichtgefühl,

na,des konn doch nit sein,

dos de Zeit mi so treibt,

heit bleib i im Bett und pfeif auf de Leit.

 

Ref: Irgendwie wird’s schon werd´n,

irgendwos wird schon gschegn,

es muas doch amol ohne mi gehen

Irgendwie wird’s schon wern,

irgendwos wird schon gschegn,

es muas doch amol ohne mi gehen,

irgendwie wird schon wern

 

Mittog ruaft donn a Freund on,

der brauchat mi, zu ana Tennispartie.

Senan geht nur der vierte Monn ob,

und der warat I, geh spülts doch ohne mi

donn her i a Stimm die sogt mir,

wo is den die Pflichtgefühl,

na,es konn doch nit sein, dos i so wichtig bin,

dos sie ohne mi nit amol Tennis daspülln

 

Ref: Irgendwie wird’s schon werd`n,…

 

Geh, losst’s mi in Ruh für Heute,

I brauch a Auszeit, Leute,

I wüll nix segn, nix hearn und nix tuan.

 

Wie die Adler

I folt meine Händ und bet,

und sog dir von Herzen wies mir geht,

wos mi bewegt und wovor i mi fürcht.

Jesus du wast jo eh,

du kennst mi doch viel besser als i,

du gibst mir Kroft und mochst mi unendlich frei.

 

Ref: Donn konn i fliagn wie die Adler fliagn,

weit übers Lond, grenzenlos, unbeschwert,

nur getrogn von deiner Hond.

Und i konn i fliagn wie die Adler fliagn,

und olles wird klor,

wonn i mei Welt so von oben seh,

is nix mehr wies wor

 

I folt meine Händ und spür,

dei Liebe gonz sonft und tiaf in mir

i mechat om liabsten, für immer bei dir bleibn

jo,i brauch diese Zeit mit dir,

wenn mir olles zfüll wird und i mi verlier,

donn nimmst du mei Hond

und zeigst mir wos Leben is.

 

Ref: Donn konn i fliagn wie die Adler fliagen,…

 

Gleichgültig

Ref: Bei uns sind olle Menschen gleich,

und des is a für olle gültig,

doch monchmol frog i mi,

vielleicht sind wir a nur gleichgültig.

 

Wenn`s aus der Nachbarwohnung,

plötzlich ganz bestialisch stinkt,

donn erst frogt man sich: wer wohnt do?

und warum hot ihn niemand vermisst.

 

Ref: Bei uns sind olle Menschen gleich…

 

Wenn die Erde bebt und Tausende sterben,

sind wir gonz geschockt und bedrückt,

doch donn forn wir hot in Urlaub wo onders hin,

und spenden dafür wie verrückt.

 

Ref: Bei uns sind olle Menschen gleich….

 

Jeder Mensch zählt, des sogt man so leicht,

jedes Leben is gleich viel wert,

doch der Schrei der Ungeborenen

der wird so leicht überhört.

 

I will leben

I spür des Leben in mir,

die Schnur die uns verbindet führt zu dir.

I konn dein Herzschlog hör`n,

der zu mir sogt: I hob di gern

I bin dei Kind, a wonn i noch sehr klan bin,

i bin a Mensch, a wonnst mi noch nit siehst,

i hör die Lochn, und was dos i daham bin,

bitte los mi wochsn, los mi leben.

 

Ref: Mama bitte, sei jetzt stork,

weil i will leben, so wie du,

Mama, bitte los den Kopf nit hängen,

weil wir zwa, schoffen des schon.

 

I spür dei Angst, du wast nit wos wird wern,

i konn die vielen Argumente hörn,

du bist noch jung, host dei Leben noch vor dir,

doch Mama bitte sog mir, wos wird mit mir?

I bin dei Kind, a wonn i noch sehr klan bin,

i bin a Mensch, a wonns nit jeder glaubt,

bitte sog mir, wer konn des entscheiden,

ob mei Leben lebenswert is.

 

Ref: Mama bitte, sei jetzt stork,.. www.deinealternative.at

 

A feiger Hund

Er wor nie besonders mutig

und wollt auf kann Foll Streitereien

die ondern hobn sich gschlogn, oft blutig,

doch er wor sicher nie dabei.

Er hot viel lieber diskutiert,

gonz friedlich ohne Aggression,

mit Worten höflich und pointiert,

doch bei Gewolt ging er davon.

 

Ref: Er wor lieber a feiger Hund als a toter Löwe,

lieber rund um g`sund als klan daschlogn.

Lieber Rückzug als sonst der Blöde,

lieber davon gehen als ause getrogen wern.

 

Doch eines Toges wor donn Kriag,

und olle mussten an die Front,

wer des nit wollt is desatiert,

und wurd erschossen dort am Stond.

Jo, er wollt sich nicht widersetzten

und wor donn bold im Schützengrobn,

doch er wollt niemanden verletzten

und hot sich irgendwie durchgschlogn.

 

Ref: Er wor leber feiger Hund als a toter Löwe….

 

Und wonn er heute darauf z`ruckschaut

donn is er froh dos er noch lebt,

weil er wor nie so hort wie Kruppstahl

wollt nur sein Frieden in der Welt.

 

Mr. One-Nightstand

 Du findes di unwiderstehlich,

du fühlst di stork und furchtbor männlich,

du bist der Mister One-Nightstand

und du lebst anfoch unverbindlich

nur a Blick aus deine Augen

mocht alle Mädchenherzen schwoch

bei deinen Steherqualitäten legst du sie donn olle floch.

 

Ref: Du bist so oberflächlich und arrogant,

und glaubst a noch du wärst charmant,

doch du host keine Ahnung wos Liebe ist,

bist a rücksichtsloser Egoist

Es is a Wahnsinn wie du di überschätzt,

bitte pass auf das du di nit verletzt,

bei so viel Schwachsinn muss i di ehrlich frogn:

tuat Blödheit weh oder konnst es noch ertrogn.

 

Du findest Treu ist oltmodisch

weil du lebst jo nur amol

Hauptsoch is dos du dein Spass host,

jederzeit und überoll.

Du betrügst und hintergehst

gonz ohne Rücksicht auf Moral

wichtig is, dos du zum Stich kummst,

olles ondre is egal.

 

Ref: Du bist so oberflächlich….

 

Doch bitte glaub ma irgendwonn,

do fongst a du zu denken on,

weil wos du säst des erntest a

und am End bist gonz alan.

 

Du allanig

Wenn die Welt um mi z`laut wird,

i mi nimmer mehr hör

und des Leben treibt anfoch dahin.

Wenn i ferng`steuert renn,

mi nimmer mehr gspür,

donn bin i so weit weg von dir.

Doch wenn i donn an di denk,

wie du mi beschenkst, wos du für mi bist

und wenn dei Liebe mi drängt,

mi ziagt und mi lenkt, donn will i zu dir

 

Ref: Du allanig bist mei Leben,

nur bei dir bin i daham,

Da allanig konnst mir geben,

was sonst niemand konn.

 

Wenn di Sun mi nur blendet,

und nimmer mehr wärmt

wenn die Angst jede Hoffnung besiegt.

Wenn’s schwer wird ums Herz,

die Blicke verhärmt,

donn bin i so weit weg von dir.

Doch wenn i donn an di denk….

 

Ref: Du allanig ……

 

Ehre wem Ehre gebührt

Immer wieder wird gred von dir, ollewal hör i dein Nomen,

Grüss Gott, am Morgen und am Obend.

Immer wieder kriagst du die Schuld, für olles wos passiert,

obwohl sie gor nit an di glauben.

 

Gott sei Donk, des heart ma immer wieder,

doch leider denkt man sich nix mehr dabei.

Desholb will i dir donken, in meine Lieder,

wos schaut`s mi denn so komisch on, was is den schon dabei.

 

Ref: Ehre wem Ehre gebührt, Ehre sei Gott in der Höhe.

Ehre wem Ehre gebührt, Ehre sei Gott in der Höhe.

 

Jo monche reden liaba von Tot und Teifl,

glaub an sich selber und an schworze Magie.

Sie heben hoch, den intelektuellen Zweifel,

doch i glaub liaba zweifellos an di.

 

Gott sei Donk, des heart ma immer wieder,...

 

Ref: Ehre wem Ehre gebührt …..

 

Sehnsucht

Is denn do wer, der mi holt wonn I fall

der mi wärmt wann mi frieat,

der mi so sehr vermisst, dos er suacht noch mir.

Is denn do wer, der mi nimmt wia I bin,

a wonn I valier,der so sehr an mi glaubt,

dos er suacht noch mir.

 

Ref: Wo bist Du mei Herz schreit nach dir,

jeden Augenblick spür i, a so a Sehnsucht noch dir

Wo bist Du, loss di finden von mir,

wal jeden Tog mehr, steigt die Sehnsucht noch dir

 

Is denn do wer der mit mir locht wonn I wan,

mi begleitet am Weg, der mi holtet und trogt,

wonn I nimma konn.

Is denn do wer, zu dem I kehr,

wo I daham bin, nimma alan bin,

is den do wer

 

Ref: Wo bist Du, mei Herz schreit noch dir…